مستعد اضحي بحياتي من اجل نهر النيل
أنا احمد رافت ابن النيل مصري الهوية من اصحاب ذوي الهمم ذي ما بتحبوا تقولوا لنا يعنى معاق على كرسي متحرك انا بوجه كلمتي لكل شعوب العالم المحب للسلام احنا قضيتنا في سد النهضة هي قضية عادلة احنا تحملنا مفوضات لمدة ١٠ سنين لم نقف أمام الشعب الأثيوبي انه يبني السد الذي يحلم به بالعكس احنا كنا معاهم انهم يبنوا السد لو ده يحقق احلامهم و طموحاتهم في التنمية لكن اذا كان هما بيبحثوا عن التنمية احنا النيل بالنسبة لنا حياة او موت ليس لدينا مصدر ثاني للمياه احنا بلدنا مش ممطرة احنا النيل هو المصدر الوحيد للحياة و حرمننا من المياه يعني اننا نموت و حفكركم بمقولة هيرودوت مصر هبة النيل يعني النيل هو الحياة بالنسبة للمصريين و كل ما نطلبه من أثيوبيا ان يكون في اتفاق قانوني ملزم ووضع قواعد لملأ السد و خاصة انه في سنيين ممكن لا يوجد فيها امطار تكفي لتخزين المياه و سد احتياجاتنا من المياه احنا و السودان هل التنمية وتوليد الكهرباء اهم من حياة شعب مصر و السودان لازم يكون فيه قواعد ملزمة احنا مش دعاة حرب احنا دعاة سلام لكن تفتكروا احنا ممكن نعمل ايه لو شعرنا ان حيتنا مهدده انا سأترك لكم الاجابة
و اعتقد مش لازم افكركم ان تدخل بعض الدول في المنطقة لم يحقق اي نتيجة دخلوا العراق و شوفوا كام مليون اصبح عاجز ومشرد و كام واحد مات و سوريا وليبيا و اليمن و كان نفس السيناريو في مصر لولا الشعب المصري الي التف حوالين قيادة هو اختراها و في الفترة الاخيرة كلمونا عن حقوق الانسان في مصر ياترى انتم شايفين ابي احمد عمل ايه في اقليم تجراى مش اليس هو من تم منحه جائزة نوبل للسلام ولا هو السلام ايه و الجوائز ديه بتتوزع علي مين ذي ما منحوا البرادعي نفس الجائزة الذي سمح بدخول العراق ياترى وجدتوا النووي الذي تكلم عنه لماذا لم يتم محاسبته حتى الان.
احنا بنحترم جميع شعوب العالم و بنقدرهم و عارفين ان الدول الخمسة دائمة العضوية فى مجلس الأمن هى القوة العظمى في العالم بس انتم لا تعرفوا الشعب المصري و ممكن يعمل ايه و انا بقولكم ان الشعب المصري واثق في قيادته و ملتف حولها وعارفين انه ذي ما بيبني مصر هو مش حيفرط في حقنا في الحياة و أرجوا ان تكون رسالتي وصلت لكم وعلى فكرة اذا كنت من ذوي الاحتياجات الخاصة على كرسي متحرك لكنى مستعد ان اضحي بحياتي من أجل نهر النيل وتحيا مصر
